“ఆపరేషన్ సింధూర్ తర్వాత భారత ప్రధాన మంత్రి నరేంద్ర మోదీ తన తొలి విదేశీ పర్యటనకు బయలుదేరారు. ఈసారి ఆయన విదేశీ పర్యటన మొత్తం ఐదు రోజుల పాటు సాగనుంది. ఈ సమయంలో మోదీ మూడు దేశాలను సందర్శించనున్నారు. ఆపరేషన్ సింధూర్ మరియు భారత-పాకిస్తాన్ మధ్య వివాదం అనంతరం ఇది మోదీ చేసే తొలి విదేశీ పర్యటన. ఈ పర్యటనలో ఆయన క్రొయేషియాను కూడా సందర్శించనున్నారు, ఇప్పటి వరకు భారత ప్రధాన మంత్రుల్లో ఎవ్వరూ అధికారికంగా ఆ దేశాన్ని సందర్శించలేదు.
ప్రధాన మంత్రి మోదీ మొదటగా సైప్రస్‌కి చేరుకుంటారు. జూన్ 15న (ఆదివారం) ఆయన ఢిల్లీ నుండి సైప్రస్, కెనడా, క్రొయేషియా దేశాలకు బయలుదేరి వెళ్లారు. విదేశాంగ మంత్రిత్వ శాఖ ప్రకారం, కెనడాలో జరిగే జీ7 శిఖరాగ్ర సమావేశంలో ఆయన పాల్గొంటారు. అనంతరం సైప్రస్ మరియు క్రొయేషియాను సందర్శిస్తారు. జూన్ 18న ఆయన క్రొయేషియాకు వెళ్లి, జూన్ 19న భారత్‌కి తిరిగి రానున్నారు.
మోదీ తన పర్యటనలో మొదట సైప్రస్‌ను సందర్శించనున్నారు. ఆ దేశ అధ్యక్షుడు నికోస్ క్రిస్టోడౌలిడెస్ ఆహ్వానంపై జూన్ 15 నుంచి 16 వరకు ఆయన అక్కడ బస చేస్తారు. రెండు దశాబ్దాల విరామం తర్వాత భారత ప్రధానమంత్రి సైప్రస్‌కి అధికారికంగా వెళ్లడం వల్ల ఈ పర్యటనను చాలా ప్రత్యేకంగా పరిగణిస్తున్నారు.”